There was an error in this gadget

Tuesday, January 30, 2018

தோழர் லெனின்

கம்யுனிஸ்டுகள் -புரட்சிவாதிகளால் மட்டும் - புரட்சி செய்ய முடியாது- ஏன்?- தோழர் லெனின்
***************************
கம்யுனிஸ்டுகள் செய்த மிகப்பெரிய மிகவும் அபாயகரமான தவறுகளில் ஒன்று( பொதுவாக, ஒரு பெரிய புரட்சியின் ஆரம்பத்தை வெற்றிகரமாக நிறைவெற்றிய புரட்சிவாதிகள் செய்யும் தவறுதான்)
ஒரு புரட்சி, புரட்சிவாதிகளால் மட்டும் நடத்தப்பட முடியும் என்னும் கருத்தாகும். அதற்கு நேர்மாறாக வெற்றி கிடைப்பதற்கு, சகல ஆழ்ந்த நோக்குடைய புரட்சிப் பணிக்குத் தேவைபடுகிறது.
புரட்சிவாதிகள் உண்மையான வீரியமிக்க முன்னோக்கிச் செல்லும் வர்க்கத்தின் முன்னணிப் படையின் பங்கைத்தான் ஆற்றும் சக்தி படைத்தவர்கள் என்னும் கருத்தைச் சரியானபடி புரிந்து கொண்டு, செயலாக்க வேண்டியதுதான். ஒரு முன்னணிப்படை, முன்னணிப்படை என்னும் முறையில் தன்னுடைய கடமையை அது தான் தலைமை தாங்கும் மக்களிடம் இருந்து தனிமைப்படுவதைத் தவிர்க்கும்போதுதான், அது உண்மையிலேயே மக்கள் அனைவருக்கும் தலைமை தாங்கி முன்னுக்கு அழைத்துச் செல்ல வல்லமையுடையதாக இருக்கும் போதுதான் ஆற்றுகிறது. மிகவும் பல்வேறான செயல்துறைகளில் கம்யுனிஸ்டுகள் அல்லாதவர்களுடன் கூட்டணி இல்லாமல் கம்யுனிச நிர்மாண கட்டமைப்பை வெற்றிகரமாக நிறைவேற்றுவது என்பது சாத்தியமே இல்லை.

Thursday, January 18, 2018

மெரினா மக்கள் எழுச்சி என்ன படிப்பினைகள் : ஒரு மீள்பார்வைக்கா--- எனது முகநூல் பதிவுகள்..

மெரினா மக்கள் எழுச்சி என்ன படிப்பினைகள் : ஒரு மீள்பார்வைக்காக
13-01-2017 எனது முகநூல் பதிவுகள்..
***************************************************************************
விமர்சனங்கள் - மாற்று கருத்துகள் இல்லாத புனிதமான போராட்டங்கள் ஏதும் உள்ளதா?

விவசாயிகளுக்கு ஆதரவாக மாணவர்கள் ஏன் போராட வில்லை என்று விமர்சிப்பவர்கள் விவசாயிகளை அணிதிரட்ட எப்படி முயற்சி செய்தார்கள்..

செத்தது சிறு-நடுத்தர-குத்தகை விவசாயிகள்..கூலி விவசாயிகள் இல்லை..சாகட்டும் எனலமா?!

விவசாயத்தில் சாதி வேறுபாடு, சாதி ஆதிக்கம் இருக்கிறது. அதற்க்காக அதை அழித்து விடலாமா

தமிழர் பண்பாடு என பிளாஸ்டிக் குப்பைகளை கொளுத்துவது போகி-பொங்கலுக்கு எதிரானது.
..............
.ஜல்லிகட்டுக்கு ஆதரவான போராட்டங்களை நாம் ஆதரிக்கலாமா?
*************************************************************************
ஜல்லிகட்டுக்கு ஆதரவாகவும், எதிராகவும் விவாதங்கள் நடைபெறுகின்றன. ஜல்லிகட்டு எதிராக பீட்டா, விலங்க நல சங்கம் என்ற பெயரில் செயல்படும் பார்ப்பனீயத்தை உயர்த்தி பிடிக்கும் பார்ப்பன – உயர்சாதி ( சைவ உணவுக்காரர்கள்) காரர்கள் முதன்மையாக உள்ளனர். தமிழர் பண்பாடு, காளைகளை - உழவுதொழிலை பாதுகாத்தல், ஏகாதிபத்திய என்று பலகாரணங்கள் ஜல்லிகட்டுக்கு ஆதரவான போராட்டக்காரர்கள் விளக்குகின்றனர். ஜல்லிகட்டு காலவதியானது என்றும், சாதி பாகுபாடுகளை கொண்டுள்ளது என்பதற்க்காக அதை எதிர்ப்பவர்கள் சிலர் கூறுகின்றனர்.
........................................................
ஜல்லிக்கட்டுக்கு மட்டுமல்ல அதனுடன் தொடர்புடைய மாட்டு பிடித்தல், விரட்டுதல், ஊர்வலம் என்று எல்லா விளையாட்டு நிகழ்வுகளுக்கு உச்ச நீதிமன்றம் தடை விதிக்கின்றது. அல்லது உச்ச நீதிமன்றம் தடையை காட்டி தாங்கள் மிகப்பெரிய சட்டம் காக்கும் வீரர்கள் என்று தமிழக போலிசு துறை அதிகமாகவே குரைத்து கொண்டு செயல்படுகிறது ..அத்துமீறுகிறது.
ஜல்லிக்கட்டு, ஏறுதழுவதல் என்பது தமிழ்நாட்டில் நீண்ட காலமாக இருக்கிறது. அது குறிப்பாக விவசாயத்துடன் தொடர்புடையது பழங்குடி சமூகம் அதாவது புராதான கம்யுனிச சமூகத்தில் உழவு தொழிலை செய்ய அன்றைய தமிழனுக்கு மாடு, ஆடு, குதிரை போன்ற கால்நடைகள் தேவைப்பட்டன. நிலத்தை பண்படுத்துவதில் காளைகளின் பங்கு இன்றியமையாததாகும்.
............................
காட்டு மாடுகளை அடக்கி மனிதன் வீட்டு மாடுகளாக, வீட்டு விலங்காக மாற்றினான். காளைகளை அடக்குதல், பழக்குதல், பொதி சுமக்க வைத்தல், உழுதல் போன்றவற்ற்றில் மனிதனும் மாடுகளுக்கும் இடையாலான உறவு, உழைப்பு போன்றவைகளை போல செய்தலில்தான் ஜல்லிக்கட்டு, ஏறுதழுவதல் விளையாட்டுகள் தோன்றின. தமிழ்நாட்டில் மட்டும் அல்ல உலகம் முழுவதும் இப்படித்தான் விளையாட்டுகள் உருபெற்று வளர்ந்தன.
நிலவுடைமை சமூகத்தில் விவசாயம் மேலும் செழித்தது. மாடுகள் அதில் முக்கிய பங்கு உள்ளது. அதே சமயம் சாதிகளாக சமூகம் பிளவுண்டது. பட்டியல் இன மக்கள் உடமையற்றவர்களாக இருக்க சாதி சமூகம் நிர்பந்தித்து அவர்களை கூலி அடிமைகளாக மாற்றியது. ஜல்லிக்கட்டு, ரேக்ளா பந்தயம் போன்றவவைகளில் பட்டியல் இன மக்கள் ஒதுக்கி வைக்கப்பட்டனர். சமூக வளர்ச்சி போக்கில், விவசாய வளர்ச்சியில் சாதி நிலவுடமை சமூகம் படிப்படியாக தளர்ந்து வருகின்றது. ஜல்லிக்கட்டு விளையாட்டில் இந்த நிலைமை இருக்கின்றது.

...........................
இராசயன மையப்படுத்தப்பட்ட உணவு பொருள்களுக்கு மாறாக இயற்கை உணவு பொருள்கள் மக்களுக்கு அவசியம். அதற்கு மேம்படுத்தப்பட்ட நவீன இயற்கை சார்ந்த உழவு தொழிலை வளர்ப்பதற்கு காளை மாடுகள், பசு மாடுகள் இன்றியமையாததாகும்.தொழில் சார்ந்த, அதன் பண்பாடு சார்ந்த ஜல்லிக்கட்டு விளையாட்டுகள் தவிர்க்க முடியாததாகும்.
.......................
ஜல்லிக்கட்டு விளையாட்டில் உள்ள சாதி வேறுபாடுகள் எதிர்த்து அதில் சமுத்துவத்தை கொண்டு வர வேண்டும். ஜல்லிக்கட்டு விளையாட்டில் விதி முறைகளை கொண்டுவந்து அதை முறைப்படுத்தப்பட்டு அதில் உள்ள ஆபத்துக்களை, விபத்துகளை குறைக்க வேண்டும்.
பழயன கழியதலும் புதியன புகுதலும் அவசியம். அதற்க்காக எல்லாவற்றையும் தலைகீழாக மாற்றிவிட முடியாது. சமூக வளர்ச்சியில் நமது தேவைகளுக்கு உகந்து படிப்படியாக மாற்ற வேண்டும். அப்பொழுது கூட முற்றிலும் செயற்கை உணவுகளுக்கு மனிதன், தமிழன் போக இயலாது. ஏனைனில் மனிதன் இயற்கையின் ஒரு அங்கம்..அதன் நீட்சி.. அந்த நீட்சி அறுபடாமல் தடுக்க நவீனப்படுத்தப்பட்ட இயற்கை விவசாயம் அவசியம். அதற்கு காளை அவசியம். இந்த புரிதலுடன் ஜல்லிகட்டை ஆதரிப்போம்..
......................
ஜல்லிகட்டை பாதுகாக்க உழவு தொழில் போற்றப்பட வேண்டும். மத்திய –மாநில அரசுகளின் கார்ப்பரேட் – பெருமுதலாளிகளுக்கு ஆதரவான பெரும் தொழிலாக விவசாயத்தை மாற்றும் கொள்கைக்களுக்கு சிறு –குறு – நடுத்தர விவசாயிகளை அழிக்ககின்றனர். சிறு –குறு – நடுத்தர விவசாயிகள் இணைந்து கூட்டுறவு இயற்கை விவசாய்த்தில் ஈடுபட் வேண்டும். அதற்கு மத்திய –மாநில அரசுகளின் கொள்கைகளை மாற்ற தமிழக மக்கள் போராட வேண்டும். ஜல்லிக்கட்டு விளையாட்டு ஆதரவு போராட்டங்களை இந்த திசை வழியில் கொண்டு செல்ல முனைய வேண்டும்.
@@@@@@@@@@@@@@@@@@@@@@@@@@@@@@@@@@@@@@@@@
17-01-2017 மெரினா போராட்டம் பற்றிய சென்ற ஆண்டு பதிவுகள்'
...............
புதிய வெளிச்சத்தை, புதிய நம்பிக்கையை பரப்புவோம்
*************************************************************************
குடியரசு தினம் கறுப்புதினமாக்குவோம்- அந்நிய பொருள்களை தமிழ்நாட்டில் தடை செய்வோம்- பீட்டாவுக்கு மட்டுமல்ல கோக், பெப்ஸி போன்ற அயல்நாட்டு பொருள்களுக்கும் தடை கோருவோம்- பிஜேபியின் சதி -குடியரசு தினத்தை புறக்கணிப்போம்! ஓட்டு போட மாட்டோம்!! போலிஸ் அடக்குமுறையை எதிர்ப்போம்! கைதானாவர்களை விடுதலை செய்! மத்திய -மாநில அரசுகளை வீழ்த்துவோம்!!

.........
ஜல்லிகட்டு ஆதரவு மாணவர்-மாணவிகள், சென்னை முழக்கங்கள் இவை..
………………………………………………………………………………
மாணவர்கள் ஒரு சமூகத்தின் மனசாட்சி . மாணவர்கள் எந்த வர்க்கத்தின் பிரதிநிதியும் அல்லர். பல்வேறு வர்க்கங்களில், சாதிகளில், மதங்களில் இருந்து மாணவர்கள் ஒரு இடத்தில் சங்கமாகின்றனர். பல்வேறு சிந்தனைகள் ஓட்டங்கள் ஒரே நேரத்த்தில் மாணவர்களிடம் இருக்கும். அவர்கள் காலை கதிரவனை போன்று புதியதாக எழுபவர்கள். கல்வியில் உள்ள அனைத்து நிரோட்டங்களையும் கற்று தொடர்ந்து விவாதிப்பவர்கள். முற்போக்கு, பிற்போக்கு, சமரசம், நடுநிலை, அதிதீவிரம், கொள்கையாளர்கள், கொள்கையற்றவர்கள், சுயநலம், சமூக நலம், தேச பக்தி, மக்கள் நலன்..என்று அனைத்தையும் தங்களுக்குள் கொண்டவர்கள். பல்வேறு முரண்களை கொண்டு இருந்தாலும் ஒரு குறித்த சமயத்தில் அந்த சமூகத்தின் கூட்டு மனசாட்சியை அல்லது மனசாட்சியை முன்கொண்டு செல்பவர்களாக இருக்கிறார்கள்.
...................................................................
மாணவர்களின் தொடர் மக்கள்திரள் போராட்டங்கள் அடிப்படையில் ஒரு பொருண்மை ( பொருள் அல்ல) (Material Base)யை கொண்டிருக்கும். அந்த பொருண்மை சூழலை அப்பொழுது உலகம் முழுவதும், அந்தந்த நாடுகளில் உள்ள அரசியல்-பொருளாதார சூழல் காரணமாக இருக்கும்..
மக்களை கம்யுனிஸ்டுகள், முற்போக்கு-மாற்று இயக்கங்கள் திட்டமிட்ட கொள்கை போராட்டங்களில் திரட்ட முடியாதபொழுது தன்னிச்சையான போராட்டங்கள் புதிய புதிய வடிவங்களில், முழக்கங்களில் வெடிக்கும்.
.......................................
அத்தகைய போராட்டம்தான் ஜல்லிகட்டு ஆதரவு மாணவர்கள் போராட்டம்!
எனவே, மாணவர்கள் ஒரு சமூகத்தின் மனசாட்சி . மாணவர்திரள் போராட்டங்கள் ஆதரிக்கப்பட வேண்டும்!!
#WeDoJallikatu #Jallikattu #Justice4Jallikattu#SaveJallikattu #BoycottCorporate

மாணவர்கள் ஒரு சமூகத்தின் மனசாட்சி என்கிறார் மாவோ.. மாணவர்கள் போராட்டத்தை ஆதரிப்போம்!!
"உலகம் உங்களுடையது. அது போல எங்களுடையதுமாகும். ஆனால் இறுதியாக ஆராய்ந்து பார்த்தால் உங்களுடையது தான். இளைஞர்களாகிய நீங்கள் உத்வோகமும் உயிராற்றலும் நிறைந்தவர்கள். காலை கதிரவனை போல் இருக்கிறீர்கள். நம்பிக்கை முழுவதும் உங்கள் மீது வைக்கப்பட்டிருக்கிறது."
தோழர் மாவோ.
MGR மாயையை உடைத்தெறிந்த இளயதலைமுறை போராட்டத்தினை வாழ்த்துவோம்! அரசியல்படுத்துவோம்!
!Magesh Ramanathan பதிவு
ஜல்லிக்கட்டுக்கு எதிரான மிக பரவலான கடும் எதிர்ப்பு வெறும் ஜல்லிக்கட்டை மட்டுமே வைத்தானதாக தெரியவில்லை. இது தொடர்ச்சியாக பல விசயங்களிலும் தமிழகம் புறக்கணிக்கப்படுவதற்கும் வஞ்சிக்கப் படுவதற்கும் எதிரான கூட்டு எதிர்ப்பாகவே கருதவேண்டும். போராட்டத்தில் கலந்து கொண்ட பலரிடமும் உரையாடியதில், கூடங்குளத்திலிருந்து, மீத்தேன், கெயில், விவசாயப் பிரச்சினை, காவிரி என அனைத்தும் பற்றிய கோபத்தையும் வெளிப்படுத்துகிறார்கள்.
ஓட்டு பொறுக்கி கட்சிகள் அடையாள போராட்டங்களுக்கு முற்றுபுள்ளி. மாணவர்களுக்கு வாழ்த்து
****************************************************************************


18-01-2018 ஜல்லிக்கட்டு மெரினா மாணவர் போராட்ட எனது முகநூல் பதிவுகள் (மீள் பார்வைக்காக)
++++++++++++++++++++++++
.பெரிய அளவு விவாதம் நடத்த
ஆன்மபலம் எனக்கில்லை தோழனே!
...
வற்றிப்போன நம்பிக்கைகள்!
தீய்ந்து போன ஊற்றுக்கண்கள்!

‘இது ஒரு புரட்சியாளனுக்கு அழகில்லை’
என்ற உன் விமர்சனம் சரிதான்
நூற்றுக்கு நூறு.

காலத்தின் தேவையை நோக்கி நகராமல்
எத்தனைநாள் வீணாக்கினோம்?
தினவெடுத்த தோள்கள் தேய்ந்து தேய்ந்து
எலும்புகள் துருத்தி
வெறும் கூடாக நிற்கும் வரை
ஏதேதோ வாதங்களில்
எத்தனை நாட்கள் மூழ்கினோம் ?
இதுதான் அழகோ புரட்சியாளர்களுக்கு ?
வாயினால் அளந்தோம்
வானத்தைக் கூட.
“அவர் சரியில்லை
இவர் சரியில்லை
அது சரியில்லை
இது சரியில்லை”
……….
நியாயமாகக் கூட இருக்கலாம் நம்குரல்.
...............
ஆனால்
லட்சக்கணக்கில் ஒற்றுமையாய் திரண்டனர் மாணவர்கள்
இந்த போராட்டங்களில் எந்த நியாமும் இல்லையா? தோழனே
புதிய வெளிச்சத்தை, புதிய நம்பிக்கையை பரப்புவோம் #WeDoJallikatu #Jallikattu #Justice4Jallikattu #SaveJallikattu#BoycottCorporate #TamilRepublic
#CasteAnnihilation #supportstudentuprising
.......
திமிரி எழு அத்து மீறு அடங்க மறு - தோழர் திருமா முழக்கம். மாணவர்கள் நிரூப்பித்தனர்.
........................
மோடி நாட்டுக்கு, நோட்டுக்கு, மாட்டுக்கு கேடு"மாணவர்கள் முழக்கம் #Justice4Jallikattu
.............
மோடி நாட்டுக்கு, நோட்டுக்கு, மாட்டுக்கு கேடு"மாணவர்கள் முழக்கம் #Justice4Jallikattu
...................
கல்லூரிகள் விடுமுறை Old டெக்னிக் சார். Whatsapp, முகநூல் மாணவர்கள் கைகளில்.
..................................
மாணவர்கள் போராட்டத்தில் நண்பர்கள்
தமிழர்கள் ( அமெரிக்க ஏகாதிபத்திய எதிர்ப்பாளர்கள் + பார்ப்பனிய எதிர்ப்ப்பாளர்கள் + ஊழல் எதிர்ப்பாளர்கள் + ஜனநாயகசக்திகள் அனைவரும்)
.........................
எங்கள் வாழ்வும் எங்கள் வளமும் மங்காத தமிழென்று சங்கே முழங்க பிஜேபியை விரட்டு
.............................
எங்கள் வாழ்வும் எங்கள் வளமும் மங்காத தமிழென்று சங்கே முழங்க பிஜேபியை விரட்டு
.............................
ஜல்லிக்கட்டு மாணவர் போராட்டங்கள் பறை இசை முழுங்க எழுச்சி #Justice4Jallikattu
............
ஏன் கிரீன்பீஸ் போன்ற சர்வதேச அமைப்புகள் மத்திய அரசின் விருப்பங்களுக்கு மாறாக செயல்பட்டால் நாட்டை விட்டு வெளியேற சொல்லும் இந்திய அரசு பீட்டாவை அப்படி வெளியேற்ற வேண்டியது தானே. இதன் பொருள் என்ன மத்திய அரசுக்கும் பீட்டாவின் நடவடிக்கைகளில் உடன்பாடு உண்டு என்பது தானே!
.................
எங்கள் பகைவர் எங்கோ மறைந்தார், இங்குள்ள தமிழர்கள் ஒன்றாதல் கண்டே - பாவேந்தர்
.................
பல இலட்சம் மாணவர்கள் வீதியில் திரண்டனர். போராட்டம் மகிழ்ச்சியானது
.....................
மாணவர்களிடம் போலிஸ் அதிகாரிகள் பேச்சு வார்த்தை நடத்துவது சரியா? மாணவர்கள் ஆட்சியாளர்களிடம் கோரிக்கை வைத்து உள்ளனர். அவர்கள்தான் பேச்சு வார்த்தை நடத்த வேண்டும். அல்லது சிவில் அதிகாரிகள் பேச்சு வார்த்தை நடத்தலாம். இது தேவையில்லாமல் மாணவர்கள் - போலிஸ் துறை பகையைத்தான் ஏற்படுத்தும். இது சரியான சிவில் சமூகம் அணுகுமுறை கிடையாது. #Justice4Jallikattu #struggle
.................................
மாணவர் போராட்டங்கள் நன்மைகள் என்ன? சாதிப்பவைகள் என்ன?
1.சாதி, மதம், ஏழை-பணக்காரன் என்ற வேறுபாடுகளை மீறி( கடந்து அல்ல) மாணவர்களை ஒற்றுமை படுத்தி உள்ளது.
2.பிற்போக்கு வகுப்பறைகளை விட்டு மாணவர்களை தெருவிற்கு, களங்களுக்கு கொண்டு வந்துள்ளது.
3. நூறு புத்தகங்கள் ஆயிரம் LECTURES களும் சில நூறு போர்களுக்கு மட்டும் தான் கல்வியை கற்று தரும். ஆனால் போராட்டகளங்கள் பெரும் திரளான மக்களுக்கு கல்வி தரும். தந்து கொண்டிருக்கிறத்உ
4. மாணவர்களிடம் கூட்டு சிந்தனையை , விட்டு கொடுத்தலை வளர்த்துள்ளது.
5. பல்வேறு அரசியல் கருத்துகளை, சிந்தனைகளை விவாதிக்க மாணவர்களுக்கு கற்று தந்துள்ளது.
6.இணையத்தை அரட்டைகளுக்கு மட்டுமல்லாமல் ஆரோக்கியமான விசயங்களுக்கு பயன்படுத்தலாம் என்று கற்று தந்தந்துள்ளது.
7. ஆண் – பெண் நட்பை வலுபடுத்துகிறது.
8. சட்ட வரம்பிற்குள் நிற்க்காமல் அதை மீறி ஒற்றுப்பட்டால் போராட முடியும் என்ற நம்பிக்கையை மாணவர்களுக்கு அளித்துள்ளது.
9. அந்நிய பொருள்களை தமிழ்நாட்டில் தடை செய்வோம்- குடியரசு தினம் கறுப்புதினமாக்குவோம் - ஓட்டு போட மாட்டோம் என்ற பல கருத்துகளை மாணவர்கள் முன்வைத்து விவாதிக்கின்றனர்.
10.குடியரசு தினத்தை புறக்கணிப்போம்! ஓட்டு போட மாட்டோம்!!-போராட்ட கள மாணவிகள்
11. காலை 10 முதல் மாலை 6 மணி வரை அடையாள போராட்டங்கள், அடையாள கைது முற்றுபுள்ளி. தொடர்ந்து போராட மாணவர்கள் போராட்டங்கள் வழி வகுத்துள்ளது.
12. போராடும் சக்திகளுக்கு, மாற்று சமூக அமைப்புகளுக்கு உற்சாகத்தை ஏற்படுத்தி உள்ளது.
13. மத்திய – மாநில ஆட்சியாளர்களின் அதிகாரத்துவதை கேள்விக்குள்ளாக்கி உள்ளது.
14. பார்ப்பனீயத்தின் வாலாக நீண்டு கொண்டிருக்கும் உச்சநீதிமன்ற தீர்ப்பை குப்பை தொட்டியில் வீசி உள்ளது.
15. ஜல்லிக்கட்டுக்கு எதிரான மிக பரவலான கடும் எதிர்ப்பு வெறும் ஜல்லிக்கட்டை மட்டுமே வைத்தானதாக தெரியவில்லை. இது தொடர்ச்சியாக பல விசயங்களிலும் தமிழகம் புறக்கணிக்கப்படுவதற்கும் வஞ்சிக்கப் படுவதற்கும் எதிரான கூட்டு எதிர்ப்பாகவே கருதவேண்டும். போராட்டத்தில் கலந்து கொண்ட பலரிடமும் உரையாடியதில், கூடங்குளத்திலிருந்து, மீத்தேன், கெயில், விவசாயப் பிரச்சினை, காவிரி என அனைத்தும் பற்றிய கோபத்தையும் மாணவர்கள் வெளிப்படுத்துகிறார்கள்
16. பீட்டாவுக்கு மட்டுமல்ல கோக், பெப்ஸி போன்ற அயல்நாட்டு பொருள்களுக்கும் தடை கோருவோம் என்று கூற வைத்துள்ளது.
17. MGR நூற்றாண்டு என்று தமிழக மக்களை MGR மாயை வைத்து ஆட்சி செய்யும் அதிமுக கும்பல்கள் பேராசையில் மண்ணை போட்டு உள்ளது.
18. தமிழ் தேசியத்தின் அடையாளமாக என்ன என்ன பண்பாடுகள் உள்ளது என்பதை புரிந்து கொள்ள. விவாதிக்க உதவும். இந்திய பார்ப்பனீய பண்பாடு, தமிழ்பண்பாடு உள்ள வேறுபாடுகளை களத்திற்கு கொண்டு வந்துள்ளது.
19. இயற்கை விவசாயத்தை ஊக்கப்படுத்த உதவும். கார்ப்பரேட் விதைகள், பசுக்கள் மாற்றாக நம் நாட்டு மாட்டு இனங்களை அடையாளம் கண்டு வளர்க்க உதவும்.
..இறுதியாக"போராட்டம் என்பதே மகிழ்ச்சியானது" என்பார் மாமேதை காரல் மார்க்ஸ் சிந்தனையை தமிழக மாணவர்களிடம் பரப்பி உள்ளது #Justice4Jallikattu #struggle #SupportYoungsters #StandForTamilians
................................
முற்போக்கு சக்திகள், கம்யுனிஸ்டுகள், தமிழ்தேசிய சக்திகள், சிறுபான்மையினர் போராட்ட களங்களை விலகி நின்று கொண்டு விமர்சனம் செய்து கொண்டு இருந்தால் இந்துத்துவா, இந்து முன்னணி கைப்பற்ற வாய்ப்புள்ளது.. முடிந்த வரையில் போராட்ட களங்களில் இருக்க முயற்சி செய்வோம்.. விமர்சனம் செய்ய இன்னும் நிறைய நேரம் இருக்கிறது..
.................
ஜல்லிக்கட்டு போராட்ட களத்தில் முஸ்லிம் சகோதரிகள். தமிழ் தேசிய இனத்தின் வாரிசுகள்..
....................
நூறு புத்தகங்கள் ஆயிரம் LECTURES கற்றுதராததை சில போராட்டகளங்கள் கற்றுதரும் #struggle
.....................
மாணவர்களுக்கு வகுப்பறை கற்று கொடுக்காததை களங்கள் கற்றுதரும் #Struggle
............................
நடந்தது TRAIL.இன்றுதான் மாணவர் போராட்டத்தின் முழுவீச்சு #Jallikattu #Struggle
.............
போராட்டங்கள் வீண் இல்லை. களங்களிலிருந்து மாணவர்கள் கற்று கொள்வார்கள் #Jallikattu
.......................

Friday, January 12, 2018

இந்து மதம்.

பிராமணர்கள் ஒரு கருத்தைப் பரப்பி வந்திருக்கிறார்கள். இந்து மதம் சனாதனமானது. மாற்றம் இல்லாது என்பதே அந்த கருத்து பல அய்ரோப்பிய ஆய்வாளர்களும் இந்த கருத்தை வலுப்ப்படுத்தும் வகையில் இந்து நாகரிகம் மாற்றத்துக்கு உள்ளாகாமல் ஒரே நிலையில் உள்ளது என்று கூறி இருக்கிறார்கள். இந்த கருத்து உண்மைக்கு புறம்பானது மட்டுமின்றி, பல நேரங்களில் இந்த மாற்றம் அடிப்படைக்க் கூறுகளேயே மாற்றுவதாக இருந்தது என்று இந்த புத்தகம் விளக்குகிறது. இந்து மதம் சனாதனமானது அல்ல என்பதைச் சாதாரண ,மக்கள் உணரச்செய்ய விரும்புகிறென் - அம்பேத்கர்





கண்சிமிட்டும் நேரம்தான் மதத்தின் ஆயுள்
.................................................................................
இளம் ஹெகலியர்களின் விமர்சனம் மதத்தை வேரறுக்கும் திறன் கொண்டதாக அது இல்லை என்பதை காரல் மார்க்ஸ் கண்டார். உண்மையில் மதத்தை காட்டுமிராண்டித்தனமாகத தாக்குவது அதனை எதிர்த்துப் போராடுவதற்க்கன சரியான வழிமுறை கிடையாது. வேறு வழிகளில் அல்லாமல அரசியல் ரீதியாக மதத்தை விமர்சிக்க வேண்டுமென நான் கேட்டுக் கொண்டேன். ஏனைனில், ஒன்றுமில்லாத மதம், சொர்க்கத்தில் அல்லாமல் பூமியில் வாழ்வதால் அதனைப் பிரதிநிதித்துவப் படுத்தும் கொள்கை மறையும் பொழுது மதமும் மறைந்து விடும்.
............................
1842யில்..மார்க்ஸ் "சமுதாயத்தில் உள்ள வர்க்கக் கட்டமைப்பினாலேயே மதம் உருவாகிறது. இந்த சமுதாயக் கால கட்டம் முழுவதும் மதம் தன்னை வளப்படுத்திக் கொண்டது. வர்க்க சமுதாயத்தைத் தூக்கியெறிவதன் மூலமே மதம் உதிரும். எனவே, வர்க்க சமுதாயத்தைப் போலவே மதத்திற்கும் எதிர்காலம் இல்லை. கால அடிப்படையில் பார்க்கும் பொழுது உலகத்தில் மனித வாழ்க்கையின் பொதுவான வர்க்க சமுதாயக் காலகட்டம் ஒரு கண்சிமிட்டும் நேரம்தான். அதைப் போலத்தான் மதத்தின் ஆயுளும்" 

இப்படி முடிகிறது 23 பக்கங்கள் கொண்ட தேவி பிரசாத் சட்டோபாட்த்தியாவின் சிறு நூல் .. மதம் பற்றிய ஆழமான கோட்பாட்டு பார்வையை இந்த நூல் தெளிவாக வழங்குகிறது..


Friday, October 27, 2017

என்.ஜி.ஓக்கள் ஏகாதிபத்தியத்தின் பல ஆயுதங்கள் ஒன்று ஏன்?


என்.ஜி.ஓக்கள் ஏகாதிபத்தியத்தின்           பல ஆயுதங்கள் ஒன்று ஏன்?

என்.ஜி.ஓக்கள்  என்ன செய்கின்றன
1.என்.ஜி.ஓக்கள் ஏகாதிபத்தியத்தின் பல ஆயுதங்கள் ஒன்று.
2. சுயாதீனமான மக்கள்திரள் அமைப்புகளை என்.ஜி.ஓக்கள் குறையுடையதாக்கி, திசைதிருப்பி மாற்றி விடும்.
3. அரசு என்ன செயலை செய்கின்றதோ அதை என்.ஜி.ஓக்கள் செய்யும்.
4.தொழிலாளர் வர்க்கப் போராட்டங்களை என்.ஜி.ஓக்கள் அழித்து விடும்
Real revolutionary organizers don’t get paid
1) NGOs are one of many weapons of imperialist domination.
2) NGOs undermine, divert, and replace autonomous mass organizing.
3) NGOs replace what the state should be doing.
4) NGOs support capitalism by erasing working class struggle.
A Note to NGO Employees:
I’m not questioning your sincerity. Many good young people genuinely want to make a difference. Jobs are scarce, and you need to make a living. It is supremely tempting to believe that these two imperatives can be combined into one neat package, allowing you to serve humanity while ensuring your own survival.
It’s a nice idea. It just happens to be untrue. An established structure will change you before you can change it. “The unity of the chicken and the roach happens in the belly of the chicken.”
Quitting isn’t the answer. We’re all trapped in the enemy’s economy. They’ve created these circumstances, compelling us to work in their industrial sector, their service sector, or their nonprofit sector. All of it is to extract value from us and reproduce their domination over us. We can’t simply decide to exit on an individual basis. The only way out is to organize with the aim of rising up together in revolution, and rupture the whole framework. Either we all get free, or none of us will.
What we must avoid in the meantime, though, is confusing NGO (or collaborationist union) employment with real autonomous organizing. Understand its nature: your job at an NGO is not to organize the masses, but to disorganize them, pacify them, lead them into political dead ends. So do your real organizing elsewhere.
Capitalism doesn’t assist us in destroying itself. Should we actually become effective in building an anti-capitalist mass movement, they won’t issue us a paycheck. Instead, they will do everything possible to discredit, neutralize, imprison and kill us.
Real revolutionary organizers don’t get paid.
Capitalism doesn’t issue us a paycheck. Instead, they will do everything possible to discredit, neutralize, imprison and kill us.
RAIOT.IN

உலகம் அறிந்திராத வியக்கத் தக்க சோவியத் புரட்சியின் சாதனைகள்


உலகம் அறிந்திராத வியக்கத் தக்க சோவியத் சாதனைகள்: -Bhim Prabha Gandhi 


***********************************************
சோவியத் யூனியன் ஸ்தாபிக்கப் பட்ட பின்னர், உலகில் வேறெந்த நாட்டிலும் வாழும் மக்கள் அறிந்திருக்காத வசதி வாய்ப்புகள், சோவியத் பிரஜைகளுக்கு வழங்கப் பட்டன. மேற்கத்திய நாடுகளில் கூட, இரண்டாம் உலகப் போருக்குப் பின்னர் தான் அவை நடைமுறைக்கு வந்தன. அந்த வகையில், இன்றைக்கு மேற்குலகில் வாழும் மக்கள் அனுபவிக்கும் சலுகைகளை, சோவியத் யூனியன் தான் முதன் முதலாக அறிமுகப் படுத்தியது.
சோவியத் மக்கள் அனுபவிக்கும் வாழ்க்கை வசதிகளைப் பற்றிக் கேள்விப்படும் தமது மக்கள், புரட்சி மூலம் ஆட்சியைக் கவிழ்த்து விடுவார்கள் என்று மேற்குலக அரசுகள் அஞ்சின. அதனால் தான், எதிர்காலப் புரட்சியை தடுக்கும் நோக்கில், தாமும் அதே மாதிரியான வசதிகளை தமது மக்களுக்கு ஏற்படுத்திக் கொடுக்க முன்வந்தனர். மனித சமுதாயம் முழுவதற்கும் சோவியத் யூனியன் வழங்கிய நன்கொடைகளின் விபரம்:
1. உலக வரலாற்றில் முதல் தடவையாக, சோவியத் யூனியனில் மட்டும் தான், எட்டு மணி நேர வேலை நடைமுறைக்கு கொண்டு வரப் பட்டது.
2. வேலை செய்யும் அனைவருக்கும், வருடத்திற்கு ஒரு தடவை ஒரு மாத விடுமுறை வழங்கப் பட்டமை இன்னொரு சாதனை ஆகும். சில தொழிற்துறைகளில் ஒரு மாதத்திற்கும் மேற்பட்ட விடுமுறை கிடைத்தது. அது மட்டுமல்ல, விடுமுறைக் காலம் முழுவதும் முழுச் சம்பளம் வழங்கப் பட்டது. இதுவும் உலக வரலாற்றில் முதல் தடவை என்பது குறிப்பிடத் தக்கது.
3. ஒவ்வொரு தொழிற்துறைக்கும் ஏதாவதொரு தொழிற்சங்கம் பொறுப்பாக இருக்கும். அதில் அங்கத்தவராக இருந்தாலும் இல்லாவிட்டாலும், தொழிற்சங்கப் பாதுகாப்பு கிடைத்து வந்தது. உதாரணத்திற்கு, தொழிற்சங்கத்தை கலந்தாலோசிக்காமல் எந்த நிறுவனமும் தமது ஊழியரை பணி நீக்கம் செய்ய முடியாது.
4. கல்லூரி, பல்கலைக்கழகங்களில் படித்து முடித்த ஒவ்வொரு பட்டதாரிக்கும், வேலை தேடிக் கொடுக்கும் பொறுப்பை அரசு ஏற்றுக் கொண்டது. அனைவருக்கும் வேலை வாய்ப்பு உறுதிப் படுத்தப் பட்டது.
5. பாடசாலைக் கல்வியில் திறமைச் சித்தி பெற்ற அனைவரும், தாம் விரும்பிய கல்லூரிக்கோ, அல்லது பல்கலைக்கழகத்திற்கோ செல்ல முடிந்தது. தரப்படுத்தல் கிடையாது. கல்விக் கட்டணமும் அறவிடப் பட மாட்டாது.
6. பாலர் பாடசாலை தொடங்கி, ஆரம்பக் கல்வி முதல் உயர்கல்வி வரையில், முற்றிலும் இலவசமாக வழங்கப் பட்டது. உலகிலேயே இலவசக் கல்வியை அறிமுகப் படுத்திய முதல் நாடு சோவியத் யூனியன் தான்.
7. உலகிலேயே முதல் தடவையாக, சோவியத் குடிமக்கள் தான் இலவச மருத்துவ வசதியை அனுபவித்தனர். மருத்துவ ஆலோசனை முதல் சத்திர சிகிச்சை வரையில் அனைத்தும் இலவசம். எங்கேயும், எப்போதும், காலவரையறை இன்றி இலவச மருத்துவ வசதி வழங்கப் பட்டது. எந்த மருத்துவமனையிலும் நோயாளிகள் வரிசையில் காத்திருக்கவில்லை. காலந் தாமதித்து சிகிச்சை வழங்கவில்லை. ஒவ்வொரு நகரத்திலும் பத்துக்கும் குறையாத மருத்துவ மையங்கள் (poliklinikas) இருந்தன. அந்த இடங்களுக்கு எவரும் சென்று வைத்திய ஆலோசனை பெறலாம். எக்ஸ் ரே படம் பிடித்தல், பற்களை கட்டுதல் அனைத்தும் இலவசம்.
8. ஒவ்வொரு உழைப்பாளியும், தனது நிறுவனத்தை சேர்ந்த முகாமையாளரிடம் சுற்றுலா பயணம் கோரி விண்ணப்பிக்க முடிந்தது. கடற்கரைக்கோ அல்லது வேறெந்த விரும்பிய சுற்றுலா ஸ்தலத்திற்கோ சென்று வர அனுமதி கோர முடிந்தது. ஒவ்வொரு வருடமும், தமது தொழிலாளரின் சுற்றுலா செலவுகளை, அந்த நிறுவனம் முழுமையாக பொறுப்பெடுத்தது. அதாவது, தொலைதூர பிரதேசத்திற்கான சுற்றுலா பயணமும் முற்றிலும் இலவசம்.
9. உலக வரலாற்றில் முதல் தடவையாக, ஒவ்வொரு சோவியத் பிரஜையும் இலவச வீட்டுக்கு உரிமை உடையவராக இருந்தார். வீட்டு வாடகை கிடையாது. முற்றிலும் இலவசம். உங்களது பெயரில் வீடு எழுதித் தரப் படும். அதை நீங்கள் சொந்தமாக்கிக் கொள்ளலாம். உங்களுக்குப் பின்னர் உங்களது பிள்ளைகள் அங்கே வசிக்கலாம். வீடு கிடைப்பதற்காக காத்திருக்க வேண்டி இருந்தமை உண்மை தான். ஆனால், ஒவ்வொரு மாதமும் நாடு முழுவதும் ஆயிரக் கணக்கானோருக்கு புது வீடுகள் வழங்கப் பட்டன. இன்றும் கூட, ரஷ்யாவிலும், முன்னாள் சோவியத் குடியரசுகளிலும் பெரும்பான்மையான மக்கள் சொந்த வீடுகளில் வாழ்கிறார்கள் என்ற உண்மையை யாரும் மறுக்க முடியாது.
10. ஒவ்வொரு சோவியத் பிரஜையும், தங்கியுள்ள இடத்தில் இருந்து வேலை செய்யும் இடத்திற்கு சென்று வர இலவச பயணச் சீட்டு வழங்கப் பட்டது. பஸ், மெட்ரோ, ரயில் எதுவாக இருந்தாலும், பொதுப் போக்குவரத்தை பயன்படுத்திக் கொள்வதற்கு இலவச பயணச் சீட்டுகள் கொடுத்தனர். இதுவும் உலகிலேயே முதல் தடவை.
11. தாயாகப் போகும் ஒவ்வொரு பெண்ணுக்கும் மூன்று வருட மகப்பேற்று விடுமுறை வழங்கப் பட்டது. ஆமாம், மூன்று வருடங்கள்! முதலாவது வருடம், அவர் சம்பாதித்த அதே சம்பளம் வழங்கப் பட்டது. இரண்டாவது, மூன்றாவது வருடங்கள் அரசு உதவித் தொகை கொடுக்கப் பட்டது. அது மட்டுமல்ல, மூன்று வருடங்கள் முடிந்ததும், அவர் முன்பு செய்த அதே வேலையை திரும்பவும் பெற்றுக் கொள்ள முடிந்தது.
12. ஒவ்வொரு தாய்க்கும் குழந்தைகளுக்கான பால் அல்லது பால்மா இலவசமாக வழங்கப் பட்டது. பிறந்த குழந்தை ஒவ்வொன்றும் மூன்று வயதாகும் வரையில் இலவசப் பால் கிடைத்தது. இதற்காக, ஒவ்வொரு ஊரிலும் பால் நிலையங்கள் இருந்தன. பெற்றோர்கள் எந்த நேரத்திலும் அங்கே சென்று, தமது குழந்தைகளுக்கான பாலை இலவசமாகப் பெற்றுக் கொள்ளலாம்.
ஆதாரம்: http://englishrussia.com/…/12-awesome-things-soviet-union-…/
====================================
தொழிலாளர்களுக்கான ஆடம்பர சுற்றுலா, கம்யூனிச நாடுகளின் உயர்தர வாழ்க்கை:
பிரமாண்டமான உல்லாசப் பிரயாணக் கப்பலில் வெளிநாடுகளுக்கு சுற்றுலாப் பயணம். மலைப் பகுதிகளில் இளைப்பாறுவதற்கு ஆடம்பரமான தங்குவிடுதிகள். சாதாரண அடித்தட்டு தொழிலாளர்கள் கூட விடுமுறையில் பொழுதுபோக்குவதற்கு ஏற்படுத்தப் பட்ட உயர்தரமான வசதிகள். இந்த சுகபோக வாழ்க்கையை எண்ணி, நம் நாட்டு தொழிலாளர்கள் கனவு மட்டுமே காண முடியும். ஆனால், கிழக்கு ஐரோப்பாவிலிருந்த முன்னாள் சோஷலிச நாடுகளில் அது நடைமுறையில் இருந்தது. மிக மிக குறைந்த செலவில், அனைத்து பிரஜைகளும் சுற்றுலா செல்வதற்கான வசதிகளை, கம்யூனிச அரசுக்கள் மக்களுக்கு செய்து கொடுத்திருந்தன.
தமிழ் பேசும் மத்தியதர வர்க்கத்தினர் பலர், எந்தக் காரணமும் இல்லாமல் கம்யூனிசத்தை, அல்லது இடதுசாரியத்தை எதிர்க்கவில்லை. அவர்கள் ஜனநாயகவாதிகளோ அல்லது மனிதநேயவாதிகளோ அல்ல. அவர்களது அச்சம் எல்லாம், தமது சொந்த தமிழ் இனத்தை சேர்ந்த அடித்தட்டு தொழிலாளர்கள், தமது "அந்தஸ்தை" எட்டிப் பிடித்து விடுவார்கள் என்பது பற்றியது தான்.
மேட்டுக்குடி மக்கள், வாழ்க்கையில் தாம் அனுபவிக்கும் சுகபோகத்தில், நூறில் ஒரு பங்கை கூட, அடித்தட்டு வர்க்க மக்கள் அனுபவிப்பதை விரும்பவில்லை. இன்றைக்கும், அவர்களைப் பொருத்தவரையில், வர்க்க சமத்துவம் ஒரு கெட்ட கனவாகவே உள்ளது. இலங்கையிலும், இந்தியாவிலும், வசதியான மத்தியதர வர்க்கத்தினர் மட்டுமே சுற்றுலா செல்கிறார்கள். விடுமுறைக்கு வெளிநாடு செல்லும் வாய்ப்புக் கிட்டியவர்கள் கூட, உல்லாசக் கப்பலில் செல்வது மிகக் குறைவு.
இப்படி ஒரு நிகழ்வை கற்பனை பண்ணிப் பார்ப்போம். தமிழ் நாட்டில், தொழிற்சாலை ஒன்றில் கடின வேலை செய்யும் தொழிலாளி, ஒரு மாத விடுமுறையில், குடும்பத்தோடு கோவா சென்று, கடற்கரையில் உல்லாசமாக பொழுது போக்குகிறார். யாழ்ப்பாணத்தில் புகையிலைத் தோட்டத்தில் வேலை செய்யும் கூலித் தொழிலாளி, ஒரு வார விடுமுறையில், குடும்பத்துடன் உல்லாசக் கப்பலில் பயணம் செய்து, தாய்லாந்து, சிங்கப்பூர் என்று நாடு பார்த்து விட்டு ஊர் திரும்புகிறார்.
"பகல் கனவு காணாதீர்கள். இன்னும் நூறு வருடங்கள் சென்றாலும், எமது நாட்டில் இப்படி எல்லாம் நடக்காது." என்று பலர் நினைக்கலாம். ஒருவேளை, இந்தியாவும், இலங்கையும், கம்யூனிஸ்ட் கட்சிகளால் ஆளப்படும் சோஷலிச நாடுகளாக இருந்திருந்தால்? அது என்றோ ஒரு நாள் நடைமுறைச் சாத்தியமாகி இருக்கும் என்று நம்பிக்கையோடு எதிர்பார்க்கலாம். ஏனென்றால், வளர்ச்சி அடைந்த சோஷலிச நாடுகளில், "தொழிலாளர்களுக்கான உல்லாசப் பிரயாணம்" நடைமுறையில் இருந்துள்ளது.
சோவியத் யூனியனிலும், கிழக்கு ஐரோப்பாவில் இருந்த சோஷலிச நாடுகளிலும், அனைத்துப் பிரஜைகளும் விடுமுறைக்கு உல்லாசமாக பொழுதுபோக்கும் வசதிகள் செய்து கொடுக்கப் பட்டன. சோவியத் யூனியன், உலகிலேயே மிகப் பெரிய நாடாக இருந்தது. பல்வேறு மொழிகளைப் பேசும், பல்வேறு பட்ட கலாச்சாரங்களை பின்பற்றும், பல்லின மக்களின் தேசமாக இருந்தது. அதனால், சோவியத் யூனியனுக்குள் சுற்றுலா சென்றாலே, உலகின் அரைவாசியைப் பார்த்தது போன்ற அனுபவம் ஏற்படும்.
உலகில் எல்லா நாடுகளிலும் இருப்பதைப் போன்று, பெரும்பான்மையான சோவியத் மக்கள் விடுமுறையில் கடற்கரையொன்றில் உல்லாசமாகப் பொழுது போக்குவதற்கு தான் ஆசைப் படுவார்கள். குறிப்பாக மாஸ்கோ போன்ற குளிர்வலையப் பிரதேசத்தில் வாழும் மக்கள், கொளுத்தும் வெயிலில் இளைப்பாற விரும்புவார்கள். அதனால், கருங்கடலில் உள்ள கிரீமியா கடற்கரைகள், விடுமுறைக் காலத்தில் சுற்றுலாப் பயணிகளால் நிரம்பி வழிந்தன.
அநேகமாக, அன்று ஐரோப்பாவில் இருந்த எல்லா சோஷலிச நாடுகளிலும் சுற்றுலாத் திட்டம் கிட்டத்தட்ட ஒரே மாதிரி நடைமுறையில் இருந்தது. எமக்கு அந்த நாடுகளின் மொழிகள் தெரியாத படியால், அது தொடர்பான தகவல்கள் கிடைக்கவில்லை. (தெரிந்திருந்தாலும் மத்தியதர வர்க்க வலதுசாரி- அறிவுஜீவிகள் அவற்றை மறைத்திருப்பார்கள்.) இந்தக் கட்டுரைக்கு ஆதாரம் கேட்பார்கள் என்பதற்காக, நானும் எனக்குத் தெரிந்த ஜெர்மன் மொழி பேசும், கிழக்கு ஜெர்மனி பற்றித் தான் எழுத வேண்டியுள்ளது.
பொதுவாக, இன்றைக்கும் அனைத்து ஐரோப்பிய நாடுகளிலும் இருப்பதைப் போன்று, கோடை காலமான ஜூலை, ஆகஸ்ட் மாதங்கள் தான், சோஷலிச நாடுகளிலும் விடுமுறைக் காலமாக இருந்தது. கிழக்கு ஜெர்மனியில் இருந்த மிகப் பெரிய தொழிற்சங்கமான FDGB (Freier Deutscer Gewerkschaftbund), சுற்றுலாத் துறையையும் நிர்வகித்தது. அனைத்து தொழிலாளர்களும் விடுமுறையை பயனுள்ளதாக கழிக்க வேண்டும் என்பதற்காக, ஒவ்வொரு தொழிற்சாலைக்கு தனித்தனியாக சுற்றுலா ஒழுங்குபடுத்தப் பட்டது.
இதிலே குறிப்பிடத்தக்க அம்சம் என்னவென்றால், அனைத்துப் பிரஜைகளும், செய்யும் தொழிலில் பேதமின்றி, சுற்றுலா செல்லும் வகையில் வசதி செய்து கொடுக்கப் பட்டது. அதற்காக அவர்கள் மிகச் சிறிய தொகையை கட்டணமாக செலுத்தினார்கள். சுற்றுலா செல்வதற்கான செலவு மிகவும் குறைவாக இருந்தது மட்டுமல்ல, எத்தனை வருடங்கள் சென்றாலும், விலை மாறப் போவதில்லை.
FDGB க்கு சொந்தமான ஹோட்டல்கள், நாடு முழுவதும் இருந்தன. அவை "Ferienheime" (விடுமுறை இல்லம்) என்று அழைக்கப் பட்டன. பெரும்பாலும் கிழக்கு ஜெர்மனியின் வடக்கே இருந்த, கிழக்குக் கடல் தான் பிரசித்தி பெற்ற சுற்றுலா ஸ்தலமாக இருந்தது. பெரும்பான்மையான மக்கள் கடற்கரையை தெரிவு செய்த படியால், அங்கே தான் அதிகமான தங்குவிடுதிகள் காணப் பட்டன.
கோடை காலத்தில், கடற்கரைகள் சுற்றுலாப் பயணிகளால் நிரம்பி வழியும். சுருக்கமாக சொல்வதென்றால், இந்தியாவில் கோவா கடற்கரைகள், அல்லது தென்னிலங்கை கடற்கரைகள் போன்று காட்சி தரும். ஆனால், ஒரு வித்தியாசம் என்னவென்றால், அங்கே வருவோரில் பெரும்பான்மையானோர் வெளிநாட்டு சுற்றுலாப் பயணிகள். ஆனால், கிழக்கு ஜெர்மன் கடற்கரையில் உள்நாட்டு சுற்றுலாப் பயணிகள் ஆக்கிரமித்திருந்தனர்.
ஒவ்வொரு வருடமும், விடுமுறையை கழிப்பதற்கு கடற்கரைக்கு செல்ல வேண்டிய அவசியம் இல்லை. குளிர்காலத்தில் பனிச்சறுக்கல் விளையாட்டுகளில் ஆர்வமுள்ளவர்களுக்கு, மலைப் பகுதிகளிலும் விடுமுறைத் ஸ்தலங்கள் இருந்தன. அதுவும் வேண்டாமென்றால், ஓர் ஏரிக்கரையில், அல்லது புல்வெளியில் கூடாரம் அடித்து தங்கிக் கொள்ளலாம்.
கிழக்கு ஜெர்மன் பிரஜைகள் வெளிநாடுகளுக்கு சுற்றுலாப் பயணிகளாக செல்ல முடியுமா? ஆம்! மேற்கத்திய நாடுகளுக்கு பயணம் செய்வது தடுக்கப் பட்டது உண்மை தான். ஆனால், அவை மட்டுமே உலகம் அல்லவே? சகோதர சோஷலிச நாடுகளுக்கு எங்கு வேண்டுமானாலும் பயணம் செய்யும் சுதந்திரம் இருந்தது.
சோவியத் யூனியன் மட்டுமல்லாது, ஹங்கேரி, செக்கோஸ்லாவாக்கியா, யூகோஸ்லாவாக்கியா போன்ற பல கிழக்கு ஐரோப்பிய நாடுகளுக்கு, கிழக்கு ஜெர்மன் சுற்றுலாப் பயணிகள் சென்றனர். அது மட்டுமல்ல, சிறந்த நட்புறவு பேணப்பட்ட, அல்ஜீரியா, லிபியா போன்ற வட ஆப்பிரிக்க நாடுகளுக்கும், சுற்றுலா செல்ல முடிந்தது. கியூபாவுக்கு செல்வது மிகுந்த செலவு பிடிக்கும் விடயமாகையால், அரசுத் தலைவர்கள், இராஜதந்திரிகள் தவிர வேறு யாரும் செல்லவில்லை.
FDGB, இரண்டு உல்லாசப் பயணக் கப்பல்களை வைத்திருந்தது. Cruise Ship எனப்படும் பிரமாண்டமான ஆடம்பரக் கப்பல்கள், இன்றைக்கும் பணக்காரர்கள் மட்டுமே பயணம் செய்யக் கூடியதாக உள்ளது. ஆனால், கிழக்கு ஜெர்மனியில் இருந்த ஆடம்பரக் கப்பல்களில், சாதாரண தொழிலாளர்களும் பயணம் செய்தனர் என்று சொன்னால் நம்புவீர்களா?
Arkona, Völkerfreundschaft ஆகிய இரண்டு ஆடம்பரக் கப்பல்களில், இடப்பற்றாக்குறை காரணமாக, குறிப்பிட்ட பிரிவினருக்கு மட்டுமே முன்னுரிமை வழங்கப் பட்டது. திறமையாக வேலை செய்து, அதிகமாக உற்பத்தி செய்து சாதனை செய்த தொழிலாளர்களுக்கு எப்போதுமே முன்னுரிமை உண்டு. அது அவர்களை ஊக்குவிக்கும் பரிசாக வழங்கப் பட்டது. அதற்கு அடுத்த படியாக, நிறைய பிள்ளைகளை கொண்ட, பெரிய குடும்பங்களுக்கு இடம் ஒதுக்கப் பட்டது. சிலநேரம், மக்களுடன் சேர்ந்து, ஆளும் கட்சி அரசியல் தலைவர்களும் பயணம் செய்தனர்.
உல்லாசக் கப்பல் என்றால், உள்நாட்டுக் கடலுக்குள் சுற்றிக் கொண்டிருக்க முடியுமா? வெளிநாடுகளுக்கு போக வேண்டாமா? ஆமாம், அந்தக் கப்பல்கள் வெளிநாடுகளில் இருந்த கடற்கரைப் பட்டினங்களை நோக்கிப் பயணம் செய்தன. கப்பல் பயணிகள் அந்த நாடுகளையும் சுற்றிப் பார்த்து விட்டு ஊர் திரும்புவார்கள். Völkerfreundschaft கப்பல், எந்தெந்த நகரங்களுக்கு செல்கின்றது என்ற விபரம் பொறிக்கப் பட்ட பீங்கான் தட்டு, கப்பல் பயணிகளுக்கு விநியோகிக்கப் பட்டது. அவற்றை இன்றைக்கும் பல கிழக்கு ஜெர்மன் மக்கள், நினைவுப் பரிசாக வீடுகளில் வைத்திருக்கிறார்கள்.
Völkerfreundschaft கப்பல் பயணம் செய்த வெளிநாட்டு நகரங்களின் விபரம்:
Algier (அல்ஜீரியா)
Tripolis (லிபியா)
Dubrovnik (யூகோஸ்லேவியா, தற்போது குரோவாசியா)
Constanta (ருமேனியா)
Batumi (சோவியத் யூனியன், தற்போது ஜோர்ஜியா)
Varna (பல்கேரியா)
மேலதிக தகவல்களுக்கு:
Fascinatie DDR, Friso de Zeeuw
Völkerfreundschaft https://de.wikipedia.org/wiki/Völkerfreundschaft
Tourismus in der DDR https://de.wikipedia.org/wiki/Tourismus_in_der_DDR
https://youtu.be/TsK0UTew8wQ
====================================
கம்யூனிசத்தை எதிர்க்கும் சமூக விரோதிகளின் கவனத்திற்கு...
ஒரு முதலாளித்துவ நாட்டில் மனிதர்கள் வேலை தேடுவார்கள். ஆனால், ஒரு சோஷலிச நாட்டில் வேலை மனிதர்களை தேடும்.
முன்னாள் சோஷலிச நாடுகளில், "மக்களை வருத்திய, கம்யூனிச சர்வாதிகார ஆட்சியின் கொடுங்கோன்மைகள்" இவை:
ஆரம்ப பாடசாலை முதல் பல்கலைக்கழகம் வரை, அனைவருக்கும் இலவச கல்வி. தொழிலாளர்கள், விவசாயிகளுக்கும் வாரத்தில் ஒரு நாள் தொழிற்கல்வி.
சாதாரண காய்ச்சல் முதல் சத்திர சிகிச்சை வரையில், அனைவருக்கும் இலவச மருத்துவ வசதி.
வேலைக்கு செல்லும் பெற்றோரின் பிள்ளைகளுக்கான இலவச பராமரிப்பு நிலையங்கள்.
மிகக் குறைந்த கட்டணத்தில் பொதுப் போக்குவரத்து வசதி. ஒரு ரூபாயில் ஒரு நகரத்தை சுற்றி வரலாம்.
ஆலைத் தொழிலாளர்கள் உட்பட அனைவருக்கும், சம்பளத்துடன் ஒரு மாத விடுமுறை. அரசு செலவில் உள்நாட்டிலும், வெளிநாடுகளிலும் சுற்றுலாப் பயணம்.
ஊழியர்களின் சம்பளத்திற்கு வருமான வரி கிடையாது. வேறெந்த மறைமுகமான வரிகளும் அறவிடப் பட மாட்டாது.
அனைவருக்கும் இலவச வீட்டு வசதி அல்லது வீட்டு வாடகை மிக மிகக் குறைவு. மின்சார, எரிவாயு செலவினங்களும் மிக மிகக் குறைவு. அதனால், மாத முடிவில் சம்பளத்தில் பெருந்தொகை பணம் மிச்சம் பிடிக்கலாம்.
சொந்த வீடு, சொந்த வாகனம் வாங்க விரும்புவோர், அதற்காக பெருந்தொகைப் பணம் கடன் வாங்கி, அதற்கு வட்டி கட்டி அவதிப் படத் தேவையில்லை. அரசாங்கமே செலவை பொறுப்பேற்கும்.
இதைப் பற்றி கேள்விப் பட்ட பிறகும், ஒருவர் கம்யூனிச எதிர்ப்புப் பிரச்சாரம் செய்கிறார் என்றால், நிச்சயமாக அவர் ஒரு சமூக விரோதியாகத் தான் இருப்பார்.
ஒரு சந்தேகம். மக்கள் வரிப்பணம் இருந்தால்தான் அரசை இயக்க முடியும். அது இல்லாமல் எப்படி மேல் கூறியவற்றை இலவசமாக வழங்க. முடியும் அரசுக்கு பணம் எங்கிருந்து கிடைக்கும்?
ஒரு முதலாளித்துவ நாட்டில், உற்பத்தி சாதனங்கள் யாவும் முதலாளிகளின் சொந்தமாக இருக்கும். பொருளாதாரத்தில் அரசு தலையிடக் கூடாது என்பது அவர்களது கொள்கை. முதலாளிகள் இலாபத்தை மட்டுமே கருத்தில் கொண்டு செயற்படுவார்கள். மக்களுக்காக எதுவும் செய்ய மாட்டார்கள். அதனால், முதலாளித்துவ பொருளாதாரம் நிலவும் எல்லா நாடுகளிலும், அரசு வரி அறவிடுகிறது. அனைத்துப் பிரஜைகளிடமும், நேரடியாகவும், மறைமுகமாகவும் வரி எடுக்கிறது.
ஆனால், சோஷலிச நாடுகளின் பொருளாதாரம் வேறு விதமாக இயங்குகின்றது. அங்கே முதலாளிகளின் ஆதிக்கம் கிடையாது. சோஷலிச நாட்டில் பெரும்பான்மை பொருளாதார உற்பத்தி, அரசுடமையாக இருக்கும். அதை விட கூட்டுறவு அமைப்பு பொருளாதாரமும் இருக்கும். அரசு நிறுவனமாக இருந்தாலும், கூட்டுறவு நிறுவனமாக இருந்தாலும் சில ஒற்றுமைகள் இருக்கின்றன. ஒரு சராசரி நிறுவனம், தனது உற்பத்திப் பொருட்களை சந்தைப் படுத்திய பின்னர் கிடைக்கும் இலாபத்தை பொதுவாக இரண்டாகப் பிரிக்கும். ஒரு பகுதி அரசு செலவினங்களுக்காக கொடுக்கப் படும். மறு பகுதி மீள முதலீடு செய்வதற்கு அல்லது தொழிலாளர் நலத் திட்டங்களுக்கு செலவிடப் படும்.
உதாரணத்திற்கு, தொழிலாளர்களின் கல்வி, குழந்தைகள் பராமரிப்பு, ஓய்வூதியம், விடுமுறையில் சுற்றுலா ஸ்தலங்களில் தங்குவதற்கான செலவுகள் போன்றவற்றை சம்பந்தப் பட்ட நிறுவனம் பொறுப்பெடுக்கும். நாட்டில் உள்ள அனைத்துப் பிரஜைகளும் பயன்படுத்தும் பொதுப் போக்குவரத்து, பொது மருத்துவம், பொதுக் கல்வி போன்ற செலவுகள் அரசின் பொறுப்பு. முதலாளித்துவ நாடுகளில் ஒரு நிறுவனம் சம்பாதிக்கும் இலாபத்தின் பெரும் பகுதி முதலாளிகளின் சுகபோக வாழ்வுக்கு செலவிடப் படுகின்றது. ஆனால், சோஷலிச நாடுகளில், அந்தப் பணம் மக்களின் நன்மைக்காக செலவிடப் படுகின்றது.
அவை எந்தெந்த நாடுகள். அந்த நாடுகளின் இன்றைய நிலைமை என்ன?
முன்னாள் சோவியத் யூனியன் உட்பட, பல ஐரோப்பிய சோஷலிச நாடுகளில் சிறந்த பொருளாதார வளர்ச்சி ஏற்பட்டிருந்தது. இதை நான் சொல்லவில்லை. உலகவங்கி, IMF அறிக்கைகள் தெரிவிக்கின்றன. மேற்கத்திய நாடுகள் அளவு இல்லா விட்டாலும், அவற்றை எட்டிப் பிடிக்கும் தூரத்தில் இருந்த படியால் அவை இரண்டாம் உலக நாடுகள் என்று அழைக்கப் பட்டன. (மேற்கத்திய நாடுகளின் மூலதன திரட்சியை மறந்து விடலாகாது.) ஆனால், மூன்றாமுலக நாடுகளில் இருந்த சோஷலிச நாடுகள் வளர்ச்சி அடைந்து வரும் நாடுகளாக கருதப் பட்டன.
ஐரோப்பாவில் இருந்த முன்னாள் சோஷலிச நாடுகளின் பொருளாதாரம், தொண்ணூறுகளுக்கு பிறகு முதலாளித்துவத்திற்கு மாற்றப் பட்டது. தேசம் முழுவதும் விற்பனைக்காக திறந்து விடப் பட்டது. உள்நாட்டு, வெளிநாட்டு முதலாளிகள் தாம் விரும்பிய நிறுவனத்தை விலை கொடுத்து வாங்கினார்கள். அனேகமாக அடி மாட்டு விலை என்பது போல, பெறுமதிக்கு குறைவாக பணம் கொடுத்தார்கள். குறைந்தளவு தொழிலாளர்களை மட்டும் வைத்துக் கொண்டு, மற்றவர்களை வீட்டிற்கு அனுப்பினார்கள். அதனால், ஒரே காலத்தில் ஆயிரக் கணக்கானோர் வேலை இழந்தனர்.
அது மட்டுமல்ல, எந்த முதலாளியும் வாங்க விரும்பாத நிறுவனங்கள் பல கை விடப் பட்டன. அவற்றின் உற்பத்தி நின்று போனது. இயந்திரங்கள் துருப் பிடித்தன. அங்கே வேலை செய்து வந்தவர்களும், வேலை இழந்து வீட்டில் தங்க வேண்டிய நிலைமை. வேலையில்லாதவர்களுக்கு எந்த வருமானமும் கிடைக்கவில்லை. முதலாளித்துவ அரசு அவர்களைப் பொறுப்பெடுக்கவில்லை. இதனால் நாட்டில் வறுமை அதிகரித்தது.

Sunday, October 15, 2017

மெட்ராஸ் திரைப்படம் பற்றிய விமர்சனம் அல்ல...

மெட்ராஸ் திரைப்படம் பற்றிய விமர்சனம் அல்ல...
***************************************************************************
"சாதிய ஆதிக்கத்தை முழுமுற்றாக துடைத்தெறிய வேண்டுமெனில் அங்கு தாழ்த்தப்பட்ட மக்களில் சாதிய மனநிலை அடிப்படை விசையாக அமைய முடியும்.."
மறைந்த மார்க்சிய அறிஞர் கோ.கேசவன்

மெட்ராஸ் திரைப்படம் சில நாட்களுக்கு முன் பார்த்த உடன் எனக்கு நினைவுக்கு வந்தது கே.கே.நகர் இராணி அண்ணா நகரும், அதிலிருந்து முன்னோடி அலுவலகம், அதில் 90 களின் ஆரம்பத்தில் நான்கைந்து ஆண்டுகள் அதில் வசித்த அனுபங்கள் தான். சென்னை புறநகர் கிராமவாசியான என்னால் சென்னையில் உள்ள குடிசை மாற்று வாரிய குடியிருப்புகளை ஜீரணிக்க இன்றுவரை முடியவில்லை.
20க்கு 15அடிகள் உள்ள ஒரு அறை, அதை ஒட்டி சிறிய சமையல் கூடம்.. அந்த சமையல் கூடத்தை ஒட்டிய மிகச்சிறிய கக்கூஸ்-குளியல் அறை. இதுதான் குடிசை மாற்று வாரிய குடியிருப்பு வீட்டின் அமைப்பு. இந்த சமையல் கூடத்தை ஒட்டிய மிகச்சிறிய கக்கூஸ் அறை இன்றுவரை ஒத்துப்போகவில்லை என்பது கிராமவாசிக்குரிய மனநிலையாக இருந்தாலும், குடிசை மாற்று வாரிய குடியிருப்பு வீடுகள் மனித உறவின் மாண்புகளை சிதைப்பவைகளாகவே எனக்கு பட்டது. இந்த வீட்டில் ஆண்-பெண் இருவர் மட்டும் குழந்தை குட்டி இல்லாமல் வாழ தகுதி படைத்தது. (இது பற்றி விரிவான கட்டுரை பல ஆண்டுகளுக்கு முன் இதழ் ஒன்றில் வந்துள்ளது). ஆனால் குடும்பம் குடும்பமாக சென்னையின் ஏழை-கீழ்த்தட்டு உழைக்கும் மக்கள் பெரும்பாலும் கடந்த 50 ஆண்டுகளுக்கு மேலாக இங்கு வசிக்கிறார்கள். வாழ்கிறார்கள். இங்குள்ள மக்களில் தலித்துக்கள் மிக அதிகமாகவும், பிற இடைச்சாதிகளைச் சேர்ந்த ஏழை உழைக்கும் மக்கள் கணிசமாகவும் இருக்கிறார்கள் என்பது யதார்த்தமான உண்மை.
சாதி வேறுபாடுகள் இவர்களிடம் இருந்தாலும் குடிசை மாற்று வாரிய குடியிருப்பு மக்களிடம் அவர்கள் வாழ்நிலையை ஒட்டி ஒற்றுமையாகத்தான் இருக்கிறார்கள். இதே நிலைமை சென்னை குடிசைப்பகுதிகளுக்கும் பொருந்தும்.
மெட்ராஸ் திரைப்படம் இந்த குடிசை மாற்று வாரிய குடியிருப்பு மக்களின் வாழ்க்கையை, உறவுகளை, காதலை, நட்பை, விளையாட்டை, அன்பு. மேரி, ஜானி பாத்திரப்படைப்புகள் ஊடாக இயக்குனர் ரஞ்சித் காட்சி மொழியில் திரையில் உலாவ விட்டுள்ளார். காளி ஆரம்ப காட்சிகள் காளி ஒ.கே..பிற்பகுதி வணிக சமரசம் அல்லது கார்த்தி சமரம். குடிசை மாற்று வாரிய குடியிருப்புகளில் இரவு காட்சிகள்… ஏரியல் & லாக் ஷாட்கள் குறிப்பட தகுந்தவைகள். வேறு பல சினிமாக்களில் குடிசை மாற்று வாரிய குடியிருப்பு காட்சிகள் வருகின்றன. ஆனால் அவற்றில் உயிர்ப்புகள் இல்லை.அல்லது குற்றுயிராய் பதியப்பட்டுள்ளன.
கடைசியாக…
ஒரு வன்னிய நண்பர் கார்த்தி தனது காதலிக்கு இரவில் ஏதோ சுவரோரம் முத்தமிடுவதை கொச்சையாய் விமர்சித்திருந்தார். குடிசை மாற்று வாரிய குடியிருப்பில் காதலர்களுக்கு வேறு யதார்த்தம் இல்லை. பல நாட்களில் தோழர்களுடன் இரவுகளில் நீளும் விவாதங்கள், தேநீர்-பீடி கடைகளை தேடி அலையும் பொழுது இக்காட்சிகள் மிகச்சில நேரங்களில் கண்ணில் படுவது தவிர்க்க இயலாது. கணவன் – மனைவி, அம்மா – மகள் , நண்பர்கள்- குடும்பம் இந்த உறவுகளை அதிக பட்ச கண்ணியத்துடன் இயக்குனர் ரஞ்சித் காட்சிப் படுத்தி இருக்கிறார். நம்முடைய விமர்சனம் மனித உறவுகளின் நாகரிகத்திற்கு கேலிக்குரியதாக்கும் இந்த குடிசை மாற்று வாரிய குடியிருப்பு வீடுகளையும் அதை வடிவமைந்த இந்த அரசாங்கத்தின் –அதிகாரிகளின் மீதுதான் இருக்க வேண்டும். ஏனெனில் விருந்தோம்பு தமிழ்பண்பாட்டிற்கு எதிரானது இந்த குடிசை மாற்று வாரிய குடியிருப்பு வீடுகள் கட்டமைப்பு. விருந்தினர் வரக்கூடாது என்பதே இங்குள்ள வீடுகள் கட்டமைப்பு அங்குள்ள மக்களிடம் திணித்துள்ள பண்பு..
அப்புட்டுதான்…

Friday, August 25, 2017

தோழர் பாலனின் "சிறப்பு முகாம் என்னும் சித்திரவதை முகாம்" நூல் விமர்சனம்


        சுதந்திரத்திற்க்கான  மரணப் போராட்டங்கள் நிகழ்ந்த களங்களை சந்திக்க வேண்டுமா…? கிரைம் ஸ்டோரி படிக்க வேண்டுமா..? விடுதலை வேட்கைக்கான படைப்பை வாசிக்க வேண்டுமா..?  ஓடுக்கப்பட்ட மனித மனங்களின் ஓலங்களை கேட்க வேண்டுமா..? அதிகாரத்துவத்தின் ஆணவத்தை,  திமிரை, கொடுமையான அத்துமீறல்களால் நேர்ந்த வேதனைகளால் துடிக்க வேண்டுமா..? தோழர் பாலன் எழுதிய 112 பக்கங்கள் கொண்ட சிறிய நூலான சிறப்பு முகாம் என்னும் சித்திரவதை முகாம்படிக்கும் பொழுது இந்த உணர்வுகளை நமக்குள்  எழுதுவது தவிர்க்க இயலாது.

தமிழீழ விடுதலைக்கு, ஈழத்தமிழர்களுக்கு பல்வேறு கோரிக்கைகள் உள்ளன. சிங்கள பாசிச இலங்கை அரசின் மீது போர் குற்ற விசாரணை, இனப்படுகொலையாளன் ராஜ பக்‌ஷ்வை பன்னாட்டு நீதிமன்றத்தில் நிறுத்தப்பட்டு தண்டிப்பது, தமிழீழ விடுதலைக்கு பொதுசனவாக்கெடுப்பு நடத்துவது,  போரில் காணாமல் போனவர்களை பற்றிய விசாரணை ..என்று பல கோரிக்கைகளை முன்நிறுத்தி ஈழத்தமிழர்களும்,  தமிழக தமிழர்களும் போராடி வருகிறார்கள். இவைகளில் தமிழக தமிழர்கள், தமிழ்நாட்டை, இந்தியாவை பொறுத்தமட்டில் பிரதானமானதும், முதன்மையானதும் ஏது?

தமிழ்நாட்டில் உள்ள ஈழ அகதிகள் கோரிக்கைகள்தான்  அவை!
அவைகள்
1.சிறப்பு அகதிகள் முகாமை(இப்பொழுது திருச்சியில் மட்டும்) என்னும் சிறப்பு சித்ரவதை சிறைச்சாலை முகாம்களை இழுத்து மூடு!! 
2.குறிப்பிட்ட ஆண்டுகளுக்கு (2 முதல் 5 ஆண்டுகள் ) மேலாக தமிழ்நாட்டில் வசிக்கும் ஈழ அகதிகளுக்கு இந்திய குடியுரிமை வழங்கு!
அல்லது
ஈழ அகதிகளுக்கு  இரட்டை குடியுரிமை வழங்கு!!
அல்லது
தமிழீழ ஏதிலியர் கூட்டமைப்பு முன் வைத்துள்ள தமிழீழ ஏதிலியர் அனைவருக்கும் இடைக்கால குடியுரிமை வழங்கு !!
போன்ற கோரிக்கைகளை நிறைவேற்ற வேண்டியவர்கள் இலங்கை அரசோ, உலக நாடுகளோ, அய்.நா சபையோ கிடையாது. இந்திய அரசும், தமிழக அரசும்தான்!

இருப்பதை விட்டு விட்டு பறப்பதை பிடிப்பதை என்பார்கள். தமிழக மக்களின் ஈழத்தமிழருக்கான பல கோரிக்கைகள் இலங்கை அரசை, அய்.நா.சபையை, பன்னாட்டு நீதிமன்றத்தை.. நோக்கியதாகவே இருக்கின்றது. ஆனால் தமிழக மக்கள்  தாங்கள் வாழும் எல்லை பரப்பின் இந்திய அரசை, தமிழக அரசை நோக்கியும், இந்த அதிகாரத்தின் – ஆட்சியின் பங்குதாரர்களான திமுக – அதிமுக கட்சிகள் உள்ளிட்ட கட்சிகள் ஈழ விடுதலைப் போரினால் இங்கு அகதிகளாக வந்துள்ள சில இலட்சங்கள் ஈழத்தமிழர்களை எப்படி நடத்துகின்றன என்பதுதான் முதன்மையானது. தமிழகத்தில் உள்ள ஈழ ஆதரவு இயக்கங்கள், கட்சிகளின் முதன்மையானதாக இங்குள்ள ஈழ அகதிகளை இந்திய அரசு எப்படி நடத்துகின்றது என்பதை பற்றியதாக இருக்க வேண்டும்.. ஆனால் இதில் போதுமான கவனம் செலுத்தவில்லை என்பது மட்டுமல்ல..இன்னும் மிக தொடக்க நிலையிலேயே  அகதிகள் பிரச்சனை தமிழகத்தில்,இந்தியாவில் இருக்கின்றது.

இந்த நூல் இதை பற்றிய தமிழகத்தில், இந்தியாவில் உள்ள ஈழ ஆதரவு இயக்கங்கள், கட்சிகள், தமிழக மக்கள், இந்திய மக்களின்  கவனத்தை கோருக்கின்றது. கடுமையாக விமர்சிக்கின்றது.

நான்கு பகுதிகளாக உள்ள இந்த நூலில்…
முதல் பகுதி ஈழ அகதிகள், சிறப்பு அகதிகள் முகாம்கள், பற்றிய விரிவான தகவல்களை, வரலாற்றை, இன்றைய நிலையை கேள்வி – பதில் மூலம் தெளிவாக விளக்குகின்றது. இந்திய அரசு  யாரையும் அகதிகளாக கடந்த  69 ஆண்டுகளில் அங்கீகாரம் செய்தது கிடையாது. 1946 ஆம் ஆண்டு வெளிநாட்டவர் சட்டத்தின் கீழ்தான் எல்லா அகதிகளும் நடத்தப்படுகின்றனர்.  இந்திய அரசு அய்க்கிய நாடுகள் சபையின் அகதிகள் சட்டத்தில் இன்றுவரை கையெழுத்திட வில்லை. இந்தியாவில் டூரிஸ்ட் விசாவில் வரும் வெளிநாட்டவரும் , போர், இயற்கை பேரிடர், அரசுகளின் பழிவாங்கல் போன்ற காரணங்களுக்காக வரும் வேறு நாட்டினரும் ஒன்றாகவே இந்திய அரசும், தமிழக அரசும் நடத்துகின்றன. இந்த நிலையில் தனது ஆட்சியை தக்கவைக்க கருணாநிதி ஆட்சியில் தொடக்கப்பட்டது சிறப்பு முகாம் என்ற சித்ரவதை முகாம்கள்.. தங்களுக்கு  இசட் பிரிவு பாதுகாப்பு வேண்டும் என்ற குறுகிய சுயநலத்திற்காக இன்றுவரை கருணாநிதி, ஜெயலலிதாவும் மாற்றி மாற்றி இதை நீடித்து வருகின்ற அவலம், அநீதி தொடர்கிறது…இதை விரிவாக புள்ளிவிவரங்களுடன் இந்த பகுதி அலசுகின்றது.

இரண்டாவது பகுதியும், நான்காம் பகுதியும்  சிறப்பு முகாம்களில் அடைக்கபட்டு இருந்த விடுதலை புலிகள் இயக்கத்தைச் சேர்ந்த சிவா என்பவரும், இந்த நூலின் எழுதிய மா-லெ இயக்கத்தினை சேர்ந்த தோழர் பாலனும் நீதிமன்றங்களில் அளித்த வாக்கு மூலங்களாகும். மூன்றாவது பகுதி தாயகம் திரும்பிய மலையகத் தமிழர் இரா.சிவலிங்கம் அவர்களின் சித்ரவதை சிறப்பு முகாம் சிறைக்குறிப்புகளாக எழுதிய கட்டுரைத் தொடர்.
கொடூரமான சிறைகளை விட மோசமான சிறப்பு முகாம்களில் வதைக்கப்பட்ட ஈழ அகதிகளின் இரத்த கண்ணீரை, பெரு வேதனைகளையும் இந்த பகுதிகள் விவரிக்கின்றன.

தமிழக நிர்வாகத் துறையின் கீழ் இந்த சிறப்பு அகதிகள் முகாம்கள் வருகின்றன. ஆனால் முழு கட்டுப்பாடும் கியு பிரிவு உளவு காவல்துறை கட்டுப்பாட்டின் கீழ்தான் இந்த சிறப்பு அகதிகள் முகாம்கள் கட்டுப்படுத்தப்படுகின்றன.  பெயரளவிற்கு சட்ட விதிகள் என்று நீதி மன்றங்கள் கூறுவதைக்கூட இந்த அகதிகள் முகாம்களில் பின்பற்றப்பட்டுவது இல்லை. இயற்கை நீதிக்கு எதிராக எல்லா விதி மீறல்களும் இங்கு சர்வசாதாரணமாக நடைபெறுகின்றன.

 வெங்கடேஷ்வரி, சோமு, ராஜன், முனியம்மா, பலீல், சிவா, இரா.சிவலிங்கம், தோழர் பாலன்…இன்னும் பலரின் மனிதாபிமானமற்ற ஒடுக்குமுறை, மனவலிகளை, ஆறாத காயங்களை இந்த நூலில் விவரிப்பதை படிக்கும் பொழுது நாம்  வாழும் சமூகம் இத்தகைய  கொடூரமானதா என்று உறைந்து விடுவோம்.. நீங்களே படியுங்கள்!!

ஆயுத போராட்டங்களில் ஈடுப்பட்ட, சந்தேகப்படும் ஈழப்போராளிகளை தனிமைபடுத்த ஏற்படுத்தப்பட்ட இந்த சிறப்பு அகதிகள் முகாம்களில் தமிழக தமிழர்கள் (வெங்கடேஷ்வரி, சோமு..), தாயகம் திரும்பிய மலையகத் தமிழர்கள் ( இரா.சிவலிங்கம்..),  அப்பாவி ஈழ அகதிகள் என்று பலரையும் கியு பிரிவு காவல்துறை பொய்வழக்குகள், காரணங்களை சொல்லி இங்கு அடைத்து மாதங்கள், ஆண்டுகளாக சித்ரவதை செய்துள்ளதை இந்நூல் அம்பலப்படுத்துகின்றன.  பெண்களுக்கு எதிரான பாலியல் வன்முறைகள் இங்கு சர்வசதாரணமாக நடைபெறுவதை ஆதாரங்களுடன் இந்த நூல் அம்பலப்படுத்துகின்றது

இன்னும் விரிவாக தோழர் பாலன் இந்த நூலை எழுதி இருக்கலாம் குறிப்பாக அய்ரோப்பா நாடுகள், கனடா, ஆஸ்திரேலியாவில் அகதிகள் குறிப்பாக ஈழ அகதிகள் நடத்தப்படும், குடியுரிமைகள் வழங்கப்படுவதை விவரித்து இருக்க வேண்டும். அய்க்கிய நாடுகள் சபையின் அகதிகள் சட்டம் இந்தியாவில் பின்பற்றபடுகிறதா என்று எழதப்பட வேண்டும். அப்பொழுதுதான்  ஒப்பிட்டுப்பார்த்து இந்திய அரசின், தமிழக அரசின் அநீதிகளை புரிந்து கொள்ள முடியும். மேலும் ஆங்கிலத்தில் மொழியாக்க செய்து வெளியிட்டால் பிற மொழி நண்பர்கள் புரிந்து அவர்களும்  நமது போராட்டங்களில் கரம்கோர்க்க முடியும்.


கைதியுமில்லை.. வழக்கு இல்லை.. தண்டனை இல்லை… கால எல்லைகள் எதுவும் இல்லை..  ஆனால் காலவரையறை யின்றி சிறையை விட கொடும் சிறைக்குள் இந்த ஈழ அகதிகள்..!
இப்பொழுது சொல்லுங்கள்  தமிழீழ தமிழர்கள் கோரிக்கைகளில் தமிழக தமிழரின் முதன்மையான கோரிக்கை எது..?
வெளியீடு:தோழர் பதிப்பகம். விலை உரு.50 
தொடர்புக்கு 00447753465573, tholar2003@hotmail.com